ချစ်သူနားလည်ဖို့...
ကျမတို့ နှစ်ယောက်ရဲ့ တွေ့ဆုံမှုက ဆန်းကြယ်သတာလား…
အချစ်ဆိုတဲ့အရာကဘဲ ကျမရင်ထဲကို တိတ်တဆိတ်လေးဝင်လာခဲ့တာလား….
သေချာတာကတော့ ကျမ သူ့ကို အရမ်းချစ်နေမိပြီဆိုတာပါ။
ကျမလို ဘယ်ယောင်္ကျားလေးကိုမှ အထင်မကြီးတတ်သလို မိန်းမလဲ
သိပ်မဆန်တတ်တဲ့သူက ချစ်သူရှိနေပြီဆိုတော့
သူငယ်ချင်းတွေက
အံ့သြလို့ပေါ့။ အကြောင်းသိနေတဲ့ ဆွေမျိုးမောင်နှမတွေ၊ သူငယ်ချင်းတွေက ကျမကို
နင်ချစ်တဲ့လူလဲရှိလာမယ် မထင်ပါဘူး။ နင့်ဆိုးတဲ့ဒဏ်ကို ခံနိုင်တဲ့သူလဲ
ရှိလာမယ်မထင်ပါဘူးလို့ အမျိုးမျိုးထင်ကြေးပေးကြပါတယ်။
သူတို့ ပြောမယ်ဆိုလဲ
ပြောစရာဘဲလေ။ ကျမဟာ ဘယ်ပန်းက ဘယ်လိုလှတယ်၊ ဘယ်ပန်းက ဘယ်လိုရနံ့ရှိတယ်ဆိုတာလဲ မသိပါဘူး။ ဘယ်ဖက်ရှင်ကို ဘယ်လိုဆင်ရမယ်ဆိုတာလဲ
စိတ်မ၀င်စားပါဘူး။ ကျမရဲ့ မှန်တင်ခုံမှာ ရှိနေတဲ့ ပစ္စည်းကလဲ ကလေးမြင်ရင်တောင်
ယူဆော့ချင်စရာ တစ်ခုမှ မရှိပြန်ဘူး။ Nivea ဗူးဖြူလေးတွေတစ်စုံ၊ ကျေက်ပျဉ်နဲ့ သနပ်ခါးတုံး လောက်ဘဲတင်ထားတဲ့ မှန်တင်ခုံကလည်း ဟန်မရှိ ပန်မရှိ
ခြောက်ကပ်ကပ်။
အင်မတန်ခေါင်းမာသော၊ ဘယ်သူ့ကိုမှ ဂရုမစိုက်တတ်သော ဂျစ်ကန်ကန် မှုန်ကုပ်ကုပ် ဘုကလန့် နှင့်ကျမကို အင်မတန်ပေါင်းရ သင်းရ ခက်လှပါတယ်လို့ ပတ်ဝန်းကျင်က ပြောကြတယ်။ နင့်ကိုချစ်တဲ့သူက တော်တော်ကို စိတ်ရှည် သီးခံနိုင်တဲ့ လူဖြစ်မှပါ၊ နို့မဟုတ်ရင် နင့်နဲ့ ကြာကြာ အဆင်မပြေနိုင်ဘူးလို့
သူတို့တွေ ပြောတတ်ကြသေးတယ်။
ကျမရဲ့ အင်မတန်ဇီဇာကြောင်တတ်တာ၊ စိတ်ဆတ်တာ၊ ၊ စိတ်မြန်လက်မြန်လုပ်တာ၊ တဇွတ်ထိုး တဇောက်ကန်းနိုင်တာ၊ ဒေါသကြီးတာ၊ ကိုယ့်ဖြစ်ချင်တာပဲတွေးတတ်ပြီး တဘက်သားကို ထဲ့မစဉ်းစားတတ်တာ စတဲ့ အချက်တွေက ကျမဟာ ဘယ်သူ့ကိုချစ်နိုင်မှာလဲ၊ ဘယ်သူ့ကို ချစ်တတ်မှာလဲလို့ သူငယ်ချင်းတွေပြောနေတတ်ကြတဲ့စကားတချို့ ပါ။
ဒါတွေကလဲ ကျမက အချစ်ဆိုတဲ့နူးညံ့မှုတွေနဲ့ ထိတွေ့ မှု မရှိခဲ့လို့ ဖြစ်မှာပါ။ ဒါကြောင့် ကျမဆီမှာ မိန်းမဆန်တဲ့ နူးညံ့ပျော့ပျောင်းမှုတွေ ပျောက်ဆုံးနေတာ နေမှာပေါ့။
အခုဆိုရင် ကျမ တစ်ယောက်ထဲ အတွေးတွေနဲ့ ပြုံးတတ်နေပြီ။
သူတို့ သိရင်များ အံ့သြကြမလား၊ ရယ်ကြမလားပဲလေ။
သေချာပါတယ် ကျမသူ့ကို အရမ်းချစ်နေပြီဆိုတာ။ ကျမရဲ
့ဂျစ်ကန်ကန် အပြုအမူတွေ၊ ဘုကလန့် အပြောအဆိုတွေ၊
တုံးတိငုံးတိ စကားတွေ၊ ပြောချင်ရာပြောတတ်တာတွေကို သူက အပြုံးနဲ့ နားထောင်နေတတ်တယ်။ ဒေါနဲ့ မာန်နဲ့ ပြောသမျှအကြောင်းတွေကို မငြီးမငြူနားထောင်ပြီး ကျမကို အကျိုးအကြောင်းကျကျ ချော့မော့ဖျောင်းဖျတတ်တဲ့လူရယ်လေ။
သူ ရင့်ကျက်မှုတွေက ကျမကိုတဖြည်းဖြည်းချင်း ပြုပြင်ပြောင်းလဲသွားနေတာ။ သူ့ရဲ့ သီးခံနိုင်တဲ့စိတ်ကလေးက ကျမကို ပြုပြင်ပြောင်းလဲနိုင်တဲ့
အရည်အချင်းတွေ ပါတယ်ဆိုတာကို ကျမခံစားမိတယ်။
သူတစ်ပါးပြောတာကို တော်တော်နဲ့လက်မခံတတ်တဲ့ ကျမက သူပြောသမျှကိုငြိမ်ပြီး နားထောင်နေတတ်ပြီ။ အင်မတန် ခေါင်းမာတဲ့၊ လက်ပေါက်ကပ်တဲ့သူမျိုးထဲမှာ ကျမက ထိပ်ဆုံးစာရင်းမှာရှိနေသူတစ်ယောက်။ နားဝင်ချိုအောင်မပြောတတ်ပေမဲ့ သူ့ ရဲ့ စကားပြောဟန်လေးတွေက
ကျမကို ချည်နှောင်နိုင်တယ်။
အချစ်ဟာ လူတယောက်ကိုကောင်းကောင်း ပြုပြင်ပြောင်းလဲနိုင်ပါတယ်ဆိုတာ လက်ခံလာသလိုတော့ ရှိသား။ အချစ်ဆိုတဲ့ အရာဟာ အလွန်တရာမှဆန်းကြယ်တယ်ဆိုတာကျမ၀န်ခံရတော့မယ်။
သူ့ ကို ကျမ အေးချမ်းသောမေတ္တာတ၇ားနဲ့ချစ်သွားမိပြီ။ ဆုံဆည်းခွင့်ရှိသည် ဖြစ်စေ၊ မရှိသည်ဖြစ်စေ၊ သူကျမကို မချစ်တော့ရင်ဖြစ်စေ ကျမရဲ့ ချစ်ခြင်းတွေကတော့ ပြောင်းလဲသွားမှာ မဟုတ်ပါဘူး။ နီးခြင်း ဝေးခြင်းနဲ့ အချိန်ကာလတွေဟာ ကျမတို့နှစ်ယောက်ရဲ့ အချစ်နဲ့
မဆိုင်ပါဘူး။ အချစ်ဆိုတာ အချိန်တွေကြာလာရင်
ဟောင်းနွမ်းသွားတတ်တယ်ဆိုတာ ကျမလက်မခံပါဘူး။ အချိန်တွေကြာလာလေလေ ကျမတို့ နှစ်ယောက်ရဲ့ ချစ်ခြင်းတွေက ပိုမိုသစ်လွင်လန်းဆန်းလာလေလေပဲလေ။
အချစ်ဆိုတာ ဖြူစင်ပြီသားပါ။ လူတွေရဲ့ အတ္တတွေ မာန်မာနတွကြောင့် အချစ်မှာ ပူလောင်မှုတွေ၊ နာကျည်းကြေကွဲစရာတွေ၊ ၀မ်းနဲစရာတွေ
လွှမ်းစရာတွေဖြစ်ရတာပါ။ အတ္တတွေ မာန်မာနတွေနဲ့ အချစ်ကို အရောင်ဆိုးလိုက်တော့
အချစ်ကြောင့် ဘ၀တွေ ပင်ပန်းဆင်းရဲကြရတာပါ။ ဒါကြောင့် သူ့ကို စချစ်မိကတည်းက အရောင်တွေမပါတဲ့ အဖြူရောင်ချစ်ခြင်းမေတ္တာနဲ့ပဲ ချစ်တယ်။ သူ့အပေါ်ဘယ်သူ့ကိုမှ မချစ်ဖူးတဲ့ အချစ်နဲ့
ချစ်တယ်၊ မပြောင်းလဲသော အချစ်နဲ့ ချစ်သွားမှာပါ။
ဘယ်လိုအရာတွေဘယ်သူတွေကမှ တားဆီးပိတ်ပင်လို့ မရတဲ့မေတ္တာတရားနဲ
့ကျမချစ်သူကို ချစ်တယ်။ အေးချမ်းတဲ့မေတ္တာ၊ နွေးထွေးတဲ့ ချစ်ခြင်း၊
တည်မြဲတဲ့သစ္စာတရားတွေနဲ့
ချစ်နေတာပါ ချစ်သူ....
ကျမရဲ့ ဤသစ္စာစကားကြောင့် ချစ်သူ့ဘ၀ ရေလိုအေး၍ ပန်းလို
လန်းဆန်းပါစေ.....
No comments:
Post a Comment